فتاة 19 سنة : المسنجر سيدمر حياتي !!

مرحبا انا بنت عمري 19 الي خاطبه سنه واحد عمرو 26 الحمد لله كله ايشي تمام ..بس المشكله انا من الزهق والقعده في البيت بصير اتهبل ادخل على التشات واحكي

مع اولاد وهيك فمره حطيت صورة بنت خالتي وحكيت انو انا هي وهداك من يومها صار يهددني انو لازم اشوفو واحكي معو هلأ انا اتصلت وحكيت معو عشان ينخرس بس فيش فايده وانا كتير متندمه وحلفت يمين بيمين ما ادخل على التشات ولا على المسنجر بس انا هلأ كتر كتير خايفه ايش راح يصير والله اني تعبانه راح انجن ايش اعمل حد يقولي ؟؟؟؟؟؟؟

اختي

اولا الغلط انك بتفوتي شات وهيك شغلات وانتي مرتبطه

بتتسمى خيانه وهادا الاشي واضح

تاني شي ما بسير اتحطي صورت بنت خالتك على الماسنجر او انك غيرانه منها او انك بدك اتشوهي سمعتها على الجهتين حرام برضو ما بسير بتضل متل اختك

بتقدري اتصلحي غلطك بس انتي عالجتي الغلط بغلط اكبر انك اتصلتي على هادا الشخص

قوليلي ما استحيتي وبعدين ما عزبك ظميرك حرام عليكِ

بس ازا كل هالقد انتي متضايقه الافضل انك تقولي لخطيبك كل اشي سار

تحياتي

اختى الكريمه

البدايه كانت خطأ ولكن
لابد ان ننظر للأمام ونعالج الامر ولا نفكر ما الذى وصلنا الى هذه المرحلة

اتركى الامر لله وابعدى عنه تماما وصدقينى هيمل وهيبعد طالما مش لاقى منك اى قبول او رد

بارك الله فيكو على التعاون اتمنى من صاحبة المشكله انها وجدت الحل المناسب معنا